[機體分析及打法 - AS THE-O] - by提文

holytiman

上次哈瑪哈瑪好似冇咩人喜歡
希望今次效果會好d
多d人回貼啦

同上次一樣
純文字, 冇公仔
請多多見諒
                                                by提文
-----------------------------------------------------------------機體介紹-----------------------------------------------------------------
機體名稱: 鐵奧(大出力光束軍刀裝備)
機體屬性: 拳
機體級數: AS
                                                by提文
武1: 光束刀 (5 hits 倒地)
武2: 光束步槍(?) (可轉 5 下, 每下 3 hits, 共 15 hits 倒地)
武3: 隱之腕光束軍刀 (1 hit 倒地)
必殺技: 單體 亂舞型
                                                by提文
技1: 附加燃料糟 (推進時間大幅上升)
技2: 新人類覺醒 (HP40%以下發動, 機動力上升, 推動時間小幅上升, 雷達顯示敵方)

六圍:
速度     高 (真係極高...)
機體HP 高 (同哈瑪哈瑪差唔多)
                                                by提文
攻擊力  低 (好難相信呢~ 但事實上真係... 同哈瑪哈瑪一樣低)
防禦力  高 (唔計大機, 防係A-C機最高)
                                                by提文
必殺技  A機水平 (部部A機必殺其實都差唔多)
機動力  高 (係A-C機最高)
                                                by提文

-----------------------------------------------------------------武器詳細介紹-----------------------------------------------------------
武1:
出格速度好快, 格一套既輸出率係3樣武器入面最高, 大概1.5倍左右啦.
(冇咩特別, 輸出率A機水平)
                                               by提文
武2:
武2係THE-O最最最殺食既武器, 出招仲快過美少女出格! 最可怕係佢既範圍! 武2轉人範圍唔係水平, 而係球體! 名正言順既制空圈. 只要敵人踏入你1個機身範圍內, 不論前面, 頭頂, 腳底, 什至乎你背面, 都逃唔出你魔掌~ 更可怕既係回招速度驚人, 呢頭轉一下, 過四五秒又可以再轉. 敵人抖氣回BOOST時間都冇. 但缺點係出招時間太長, 好易比人必, 而且攻擊力低.
(出手極快制空圈, 係THE-O最強招數! 但出招時間長, 輸出率B機水平)
                                               by提文
武3:
以1 hit 計輸出率最高既一招, 一下過倒地, 距離有個半機身, 係連技最後一下, 同走佬回馬槍既不二之選! 但缺點係出手慢, 要成0.8秒先打人, 打完人仲有成0.8秒硬直... 由按滑鼠左鍵同佢可以郁返足足要成秒半有多(唔信的話可以用秒錶計下). 唔係必中的話, 建議唔好用, 寧願用武2捉左人先, 之後再連武3都未遲.
(1 hit 倒地, 輸出率高, 威力同武2轉全套一樣)

連續技:
人地話THE-O可以連8下, 但我試黎試去都係7下倒地... 有錯請指點一下
其實分兩種, 一種係先武1, 另一種係先武2, 分明在於換武果時既硬直
1111223
2211113
前者武1換武2係冇硬直, 所以成套打落去基本上人地反格唔倒
後者武2換武1有機會做成少許硬直, 部份機可以利用呢段時間反格(如:美少女), 建議lag機同初學者小心
以後者實用性較高 (之後會解釋)
                                               by提文
-----------------------------------------------------------------建議用法-----------------------------------------------------------------
AS THE-O 係攻擊型機體, 打法比較簡單, 冇支援型咁複雜, 所以會短好多^^"
                                               by提文
AS THE-O 最特別既地方係冇槍, 取而代之換返黎既係驚人推進時間, 速度, 機動力, 同埋足以1套KO A機既連續技! 佢高防血厚絕對唔係比你沖鋒殺敵用!! 因為佢得兩部機, 死晒就冇... 高防血厚只係比你慢慢接近敵人果時打中都冇咁傷ga姐. 因為你冇槍, 人地打你一定會拉打, 你既技能, 你既六圍, 就係比你響呢個時候發揮. 嚴格黎講, 你要做個偷襲角色, 想好似ZZ打得咁光明正大根本唔可能.
                                               by提文
THE-O 技能好巧妙, 完全發揮THE-O特性, 特別係技2既新人類覺醒, 有埋雷達功能, 可以清楚見倒邊個落單就打邊個, 邊度有人就即刻走! 接近無限既boost令你成為敵人心目中最提心吊膽既臭蟲, 因為只要比你連一下, 佢都有機會就咁拜拜.
                                               by提文
THE-O進攻要點係盡量唔好比人打中既情況下埋身. 只要你埋倒身, 基本上連一下技就可以ko一隻, 就算佢唔死都重傷, 掂多下都要入廠! 不過要記住, 打完人之後一定要即刻走, 搵野檔住, 到你武2滿返之後先再攻. 因為冇武2既你響戰場上係好難捉人, 反而成為箭靶. (你得兩部ga ja)
                                               by提文
基本上用THE-O每次起手出格都唔會係武1, 多數時候都係用武2, 起碼你捉唔倒人, 人地都唔可以捉返你, 武2就係THE-O既最大特色. 因為你有既推進時間本身就好長, 有埋技1你既推進力真係仲勁過人地變左ma... 響你面前既獵物要走根本冇可能... 既然天生要你一定追倒人, 咁你就要教點樣一定捉倒人.
                                               by提文
THE-O捉人在於武2, 因為範圍真係大到連自己都嚇親, 起手真係太快. 就算人地飛起左, 你響佢腳底都可以轉返佢落黎. 轉左落黎之後就可以開始連技黎. 呢度建議大家用THE-O捉人果時盡量由上而下咁捉, 最好係響正人地頭頂轉, 咁樣人地想飛都冇可能飛走, 而且佢仲見唔倒你黎既方向, 可能會心一擊.
                                               by提文
技2新人類覺醒係非常有用既技能, 同時又係一個警告, 雷達開比你唔係為左比你攻, 而係為左比你走. 所以點都好, 唔好亂用超必, 你要打人的話, 連技比你用必扣得仲多. 你冇可能必死1部B機, 但你可以連死1部A機... 你個超必真正用途係比你避人超必用, cancel 超必= =" 特別當你開左新人類, 即係你比人必一下就死, 一定要有定覺悟!
                                               by提文
                                               by提文
                                               by提文
                                               by提文
-----------------------------------------------------------------! 完 !-----------------------------------------------------------------
打完...好似同上次差唔多一樣咁長= =
希望多d人回啦
回帖先係發帖既動力

gashfire

路過,, 心機可讚,,加油

卍盧仔卍

2武轉1武唔會比人反到  反到你=廢=.=
仲有3武唔只0.8秒硬直  唔好亂吹數字
講多樣野你知   如果人地正面望你  你2武轉4下3武  會因為人做delay而打出會心(超奸詐)
因為冇武2既你響戰場上係好難捉人, 反而成為箭靶"<-----睇黎你唔識用1武  要練下

(呢部炮灰已被我封塵  囧)

k67338160

thank you, 正在煩惱合唔合

takkat

此機益哂D自殺機,
得2條命,
全部近戰,
單體必都好易中,
4必渣古II改都WIN=.=

ls19951015

我仲諗往問人,而家唔洗啦^^
感謝樓主,+油喔
支持你

mlc50228

呢部衰就衰係無槍,其實一直都唔係好識用呢隻,呢次有你開post,識用小小咁多= =

holytiman

2武轉1武唔會比人反到  反到你=廢=.=
仲有3武唔只0.8秒硬直  唔好亂吹數字
講多樣野你知   如果人地正面望你  你2武轉4下3武  會因為人做delay而打出會心(超奸詐)
因為冇武2既你響戰場上係好難捉人, 反而成為箭靶" ...
卍盧仔卍 發表於 22-8-2009 15:52

武2轉武1係有硬直ga= ="
呢下硬直如果你對手係美少女絕對可以反格倒...
搵人做左實驗試左好多次
佢用美少女反唔倒你係佢廢................
反到先係正常..................................

武3起手有0.8秒左右硬直, 用完又有0.8秒硬直
由你按滑鼠左鍵到你部機郁得大約要1.5秒
自己用秒錶計一計時, 記得加返0.2秒reaction time

用武2捉人成功率大過90%
而且就算敵人周圍有佢隊友都可以打埋一份
咁我想問下點解我仲要用武1捉人咁冒險呢???
就算我武1捉人成功率有100%我都揀武2捉啦= =

ks9413ex

連續技:
人地話THE-O可以連8下, 但我試黎試去都係7下倒地... 有錯請指點一下
其實分兩種, 一種係先武1, 另一種係先武2, 分明在於換武果時既硬直
1111223
2211113
前者武1換武2係冇硬直, 所以成套打落去基本上人地反格唔倒
後者武2換武1會有少許硬直, 有部份機可以利用呢段時間反格 (如:美少女)
以後者實用性較高 (之後會解釋)

樓主,
唔係想插你,
亦唔係想話自己勁,
只係想講下點解你有硬直.
我都係the-O用家,
借問聲樓主識唔識甩刀?
2武轉第2圈個時,
如果甩刀,
就會無左當中你所講既硬直,
而且個動作極流暢.
我夠膽講甩刀既話連美少女都擋唔到,
有意pm我,
試比你睇.

nghjkl

好長細
下次可以寫百式等等的as機