樂古Nakuz

標題: 十字軍配點參考及討論 [打印本頁]

---

作者: monsterbb100    時間: 20-10-2011 14:34
標題: 十字軍配點參考及討論


見咁多人討論配點問題，不如開個新post啦~~ 呢份係copy我之前既post，今晚會再出其他類型既十字軍配點比大家黎討論下~~
再之後我會慢慢post其他職既配點比大家一齊討論~~
樂古呢邊真係好少原創配點心得，反而多玩好多，咁我地香港人自己都整返個配點心得原創好過啦~~



全攻型雙修十字軍非副坦配點~~ (字海，唔想睇可以懶理~~)



等我講下十字軍配點啦~~ 由開服就玩牧師，到玩賢者，到而家玩十字軍，都有少少心得既，大家討論，不喜勿插~~
玩雙修，若果係50LV，都會主推魔後推物，因為魔攻推到5千，物攻都有4千幾差唔多5千，但推物攻到5千，魔攻得2千幾，所以一般十字軍都係推魔攻為先~~ (當然首推光攻，後推魔攻，再推物攻啦~~ 打海龍就首推血，後推光攻，再推魔，然後先到物攻)

先講牧師技能︰

盾檔︰點到6，本來係5就夠，但到尾仲有3點多，就點盾擋6，基本上好足夠~~

連鎖閃電︰點到爆，十字軍神技之一，高硬直，CD短，第一下中落去計物攻，後四條電放出計魔攻同光攻~~
        誤點1︰好多人以為連鎖唔勁，原因係四條電分散四方，好難打中怪，其實只要你企得夠目標近，係中五下，第一下物，四條電一齊食晒~~
        誤點2︰好多人以為起手太慢，唔實用，以PVP黎講，邊個叫你見人企響度先放連呢？放既時機係人地訓左響地，你一下連鎖可以食到佢應一應。以PVE黎講，就算係對住小怪，你預距離，個錘落點岩岩好係怪既中心，就會一下五hit隻怪，技術黎，慢慢練~~ 對大怪更正，貼埋身，一野中落去，扣勁多~~
        誤點3︰好多人用落雷黎同連鎖比較，但經過小弟實地測試過，滿落雷同滿連鎖，連鎖係比落雷扣得多好多~~

治療︰基本上你係全攻型，治療只係補一補你少少血，而且治療係以你HP上限黎計，你推血推得高，點1治療都已經加好多~~

不屈︰點滿原因係加物防加好高，再加上你推魔攻，魔防都會一齊高，咁樣你防禦力就好足夠~~

自然精通︰滿，加果少少HP上限，就可能因為果少少救左你條命~~

智力精通︰前置，你推得魔攻，MP分分鐘會比血多，而且你點爆都只係8%，將佢前置留響其他攻技好過~~

智力訓練︰滿，你長開判定時好靠佢，尤其係打大豬，我而家10萬8 MP，打完全個大豬(當然係組滿人啦~~)，10萬8MP都只係用淨2千幾，係長開判定冇收過~~ (當然加個朝氣A紋幫補下啦~~)

輕盈迴避︰點1，你著重PVP就用盾擋點5，分出黎比佢，PVE既真係勁少用，技術好既基本上好少會比人浮空，雖知牧職比人浮空最危險，練好技術好過啦~~

唔點技能原因︰

起身猛擊︰基本上你起身反擊扣果下扣得好少~~ 你碌遠D仲好~~

強力側踢︰你放技紋都分分鐘冇位放雙踢，咁仲點黎做乜？因為你魔攻大過物攻，用小金錘都扣得多過側踢~~  

飛腿︰相信玩開十字軍既人都知，可以話未用過~~ 仲點黎做乜？

膝破︰有滑行猛擊，仲要膝破黎做乜？ 呢招距離短，又成日踢唔中人... 廢招黎~~

其他廢招唔講，有玩開牧職都知邊D係廢招~~


賢者技能︰

神聖十字︰做得十字軍，個十字架唔滿點叫十字軍？點11同點12分別好大，扣都扣多好多，所以點滿

神聖之錘︰前置路過，雖然係前置，但用勝在可以長開無間斷，而且前置都比雙踢打得重同多Hit數~~

雷電衝擊︰滿﹐(但唔夠點，所以點得8，或者用盾擋點5，自然精通點4黎加滿雷衝~~) 好多人以為打5隻怪，實則第一下係打25隻，經本人用500戰狼測試過，第一下電5隻，唔理佢電唔電得死，都會每隻分5條電出黎電其他，怪群清怪一流~~ 而且起手快，又有斷技效果，PVP或PVE都勁好用，而且點9係549%+5256，即你坐底扣硬5256再加你魔攻既549%，仲要係光攻，我用大天試過，我得4%光攻，滿判定光環，4947魔攻，大天得返差唔多1/5行血，一野KO~~ 唔好當佢群攻技，當佢單體輸出都好可觀~~

雷霆一擊︰必滿，賢者神技之一，唔多講~~ 試過就知~~

滑行猛擊︰前置，用黎避怪或PVP捉人一流，但點高都唔會扣好多~~

破甲︰滿，物攻190%+2488﹐勝在CD夠快，而且附加扣對方物防45%，PVP捉人神技，PVE減怪防又好正~~ 起手技~~ 必滿~~

盾衝︰點1，用黎走佬捉人，點多浪費~~

神聖格擋︰點5，21秒足夠你點著枝煙慢慢睇人打你，當盾技用，唔好當佢攻擊技，而且21秒我計過，就算係大貓，由飛天開始，放魔鬼仔，掉黑洞，到跌地，岩岩好20秒，仲有1秒比你發呆~~

範圍格擋到鋼鐵之身︰前置到鋼鐵加1，比你緩衝盾擋，神格都CD緊時黎用，或者你想盾衝走人或衝入怪堆，開鋼鐵用盾衝係0傷害，點1就夠，點多冇用~~

判定光環︰滿，十字軍好多技都係食光攻，你點滿有你著數，再加埋推光，聖徒又幫你加光攻buff，你會覺好爽~~ (光攻難推，我抽左成50個潛都潛唔到光攻... 結果而家後4%光攻，後悔中....努力打D潛返黎繼續抽光攻中~~)


唔點技能原因︰

激怒︰話明全攻型，你點高佢，其他攻擊既又唔夠點，點得果少少，不如唔好點，反正有聖騎幫你拉怪，你全用輸出好過啦~~

雙盾反︰你唔係聖騎，除左開盾擋或神格後有D用之外，期餘時你都響主攻狀態，仲反黎做乜？用技攻仲扣得多啦~~


十字軍技能︰

審判力量︰點1就夠，現時50LV最多點得2，點2加多果1%，冇乜效用，留黎點其他攻擊好過，將來開放60LV先點高都未遲~~而且點高左都唔係減少CD時間，你配個A紋，可以拉到29秒，差果1秒，基本上你係長開~~

誤點︰好多人話審判力量冇用，當然，比起而家化身十字軍，加得果少少物攻魔攻係好似冇乜用，但用左再開化身，攻擊仍好可觀，最好開黎用雷霆一擊，扣勁多~~

審判之錘︰十字軍神技，CD短，唔好近身放，近身扣得3 Hits，應該係目標距離3個身位放，就可以連續7Hits，若果目標係可以推郁既小怪，或好似貓，狗，天啟呢類大體型怪，食既Hits數會更多，而且經小弟測試過，若第一下係爆擊，之後既Hits數都會係爆擊，就算第一下唔係爆擊，都會7 hits中後面果幾下係爆擊，最衰而家點得1，將來點高更爽，同埋小弟發覺，中第一下之後，第二，三及後面既攻擊會越扣越高~~ (唔係頭一下，就算中途中都係咁~~) 最變態有次打大貓，第二關小牛，居然比我一個審判錘爆擊後連續7下秒左一隻小牛~~

十字架EX︰必學技，十字軍招牌技，聖騎望到都流口水技能，十字架本身20秒CD，加左EX，攻擊力超強，範圍超大，不過係有分層次，目標響中心係扣得最金，響範圍邊邊就扣少D，試過開左化身，打大天第一關果隻幽靈，一野掉正佢，爆左佢12萬血~~


技紋︰連鎖A紋，十字架A紋，雷霆一擊A紋，雷電衝擊A紋(或審判力量A紋)

強化紋章︰魔力，智慧，熊的，破壞，朝氣，致命，健康，生命

藍時︰頭+魔攻或物攻，上身+智慧，下身+魔攻或物攻，手+MAX HP，腳加爆擊或MAX HP

今晚post埋魔攻副坦(坦能力比較低，主輸出)既十字軍配點比大家~~ 呢個亦係我而家用緊既十字軍類型)

---

作者: benyeung5134    時間: 20-10-2011 16:29
唔該樓主,你的文章對我有好大幫助!!!

---

作者: monsterbb100    時間: 20-10-2011 20:48


十字軍呢個職業其實係好多變化，大家可以憑技術，裝備冋習慣黎點最合適你自己既配點~~

以下係小弟而家玩緊既魔攻十字副坦既點法，可能都好大爭議性，因為坦既能力唔係好高，反而攻擊比較著重，都係果句，自己習慣就好~~



牧師技能︰

牧師技同雙修全攻型差唔多，只係盾擋點5，輕盈迴避點滿，智力精通點滿，原因係因為我有時會玩下PVP，所以輕盈迴避好重要。而智力精通點滿係因為之前未到50時已經點左，而家反而後悔點滿左，成10萬8MP，比我血多成萬幾.... 但MP多響打海龍係有著數，因為而家50LV既裝都係加血多，MP反而冇咁多，打海龍開埋信念光環，都唔怕冇MP，魔攻十字最怕係冇MP，冇MP即係冇輸出，咁要黎都廢，所以當時我點滿左~~

做魔攻十字，連鎖一定係點滿，因為你第一下中落去係扣唔多，但分出黎既電係扣得好金下~~

其他牧師技唔解釋啦~~ 上面有得解


賢者技能︰

魔攻賢者技方面，十字架一定要滿，雷電衝擊，雷霆一擊都係滿，雷衝點滿原因睇返上面啦~~ 雷霆一擊唔洗講啦掛？！

破甲︰前置，因為主魔攻，破甲只係取其效果，用黎幫隊友減隻怪防方便輸出，因為你係魔攻，所以影響唔大，其他魔攻技先係主力，所以前置就夠~~

神聖格擋︰點5，原因同上

激怒︰點3，相信有人會問，點得果3，拉9秒有咩用？！其實點3果9秒係玩技術，以打大小豬為列，豬教出招間隙大約係6-9秒之間，你響佢出招前半秒至1秒用激怒，拉9秒再開盾，15秒盾擋岩岩過，就響拉果9秒間已經頂左豬教兩招，得返6秒CD時間，睇準黎再拉，就岩岩好下一招，呢個時候開神格，就頂多佢兩招，再睇準時間，岩岩好開鋼鐵拉多9秒，三防互補，頂多有時只係甩一招半招，響豬團冇騎時係好好用，但真係好考技術同時間，練得多得~~ 再者，激怒用黎拉群怪，再掉十字架，係好好既配搭黎~~

十字軍技能︰

同上面雙修全攻型十字樣，唔多作解釋啦~~

技紋方面︰

連鎖閃電A紋，雷霆一擊A紋，十字架A紋，審判力量或雷電衝擊A紋

小弟響雷衝同審判之間揀左審判，原因係可以長開，比魔攻高物攻低既魔賢係好有幫助，審判力量既計算法係，假如你有2000物攻，審判力量點2既話，就會固定傷害加440，睇落係好少，但魔攻十字有個最大既缺點，就係會有技能CD時間既空檔，呢個時候係小金錘發揮既時候，若開左審判力量，小金錘每下加440，一套小金錘打晒係差唔多24 Hits，你計計24x440係幾多？咁你就知審判力量對魔攻十字有幾大影響力啦~~


強化紋章︰
魔力，智慧，風的，致命，健康，生命，朝氣，熊的

選熊的紋章而放棄破壞既原因係因為熊的加力量，可以增加審判力量後既威力


遲D出埋副坦十字軍既配點比大家~~ 希望大家一齊討論下~~

---

作者: 大眼的待遇    時間: 20-10-2011 22:14
回復 1# monsterbb100


    單修全攻型...盾果行淨係點到第2個技能得唔得??..4,5果2招我好唔常用=.="

---

作者: jimmg12    時間: 20-10-2011 22:17

回復  monsterbb100


    單修全攻型...盾果行淨係點到第2個技能得唔得??..4,5果2招我好唔常用=.=" ...
大眼的待遇 發表於 20-10-2011 22:14

一係你點反傷0.0
唔點果兩招點其他技又無咩用咁...
高點盾檔會好易斷技@@

---

作者: 大眼的待遇    時間: 20-10-2011 22:22
回復 5# jimmg12


    反傷我小用...因為覺得作用唔大-_-"

---

作者: jimmg12    時間: 20-10-2011 22:32

回復  jimmg12


    反傷我小用...因為覺得作用唔大-_-"
大眼的待遇 發表於 20-10-2011 22:22

睇番你之前個配點...
一係咁點
http://goo.gl/foFGQ
破甲對部份審判技都有用
而且可以幫到隊友加傷...

---

作者: 飲奶仔    時間: 20-10-2011 22:57
回復 7# jimmg12


    果D格檔,化身等等果D技冇用咩?,同埋點解補血要點到咁高LV,你既配點主PVP定主PVE

---

作者: jimmg12    時間: 20-10-2011 23:06

回復  jimmg12


    果D格檔,化身等等果D技冇用咩?,同埋點解補血要點到咁高LV,你既配點主PVP定主PVE ...
飲奶仔 發表於 20-10-2011 22:57

有用=.=
因為要補血= =
個配點唔係我....

---

作者: 飲奶仔    時間: 20-10-2011 23:10

有用=.=
因為要補血= =
個配點唔係我....
jimmg12 發表於 20-10-2011 15:06

    其實係唔係1點補血就夠?,點解D人又加爆佢-口-?

---

作者: jimmg12    時間: 20-10-2011 23:11

其實係唔係1點補血就夠?,點解D人又加爆佢-口-?
飲奶仔 發表於 20-10-2011 23:10

你睇下1同9差幾多@@

---

作者: 飲奶仔    時間: 21-10-2011 01:38

你睇下1同9差幾多@@
jimmg12 發表於 20-10-2011 15:11

照計血量+魔攻既話9LV既補血咁都回得幾多下啵,加爆佢先^_^

---

作者: monsterbb100    時間: 21-10-2011 04:34


十字軍另類選擇﹐主坦/副坦助攻十字軍

其實除左聖騎外，十字軍都可以做坦職，或者副坦，但若果做坦，就放棄左好多攻擊技，呢類十字坦多數係物攻型，以下係配點~~



牧師技能︰

盾擋︰點6，增加防禦黎應付坦職工作

輕盈迴避︰滿，以防止失誤後被浮空時做調整

治療︰滿，以增加生存能力

雙踢︰點出，因為係物攻型，所以用腿踢冇腦輸出比較有效，強力側踢點2係因為最後仲有2點淨，加落去黎增加攻擊力

不屈/自然精通︰滿，增加生存能力

智力精通/智力訓練︰智力精通前置，訓練滿，連續雙踢都用好多MP，配朝氣紋黎回恢MP


賢者技能︰

神聖十字︰前置，因為要做坦職，就要放棄十字架EX黎增加其他防禦既技能，而且因為係物攻，就算點高十字架都分分鐘唔夠你雙踢扣得多~~

雷霆一擊︰滿，呢招唔只係食魔攻，亦都食物攻，而且物攻比魔攻食得多，賢者神技，必滿

激怒︰滿，點到8係岩岩好唔洗用紋，可以連續拉怪~~

破甲︰滿，因為係物攻，呢招除左CD快，減目標物防外，以物攻計輸出都好可觀~~ 再者，減目標物防後，配上你瘋狂雙踢，攻擊數字好可觀~~

神聖格擋/鋼鐵之身︰滿，增強防禦技能黎做主坦/副坦

神聖天擊︰點1，因為係坦，擋既機會好多，加神聖天擊黎增多一項物攻攻擊

元素光環︰滿，之所以加元素唔加信念，係因為賢者物攻技好多都冇光攻，再者，你身為坦，比隊友同自己有屬性防禦係比增加光攻/防禦更有效，龍之谷好多怪都係元素攻擊，反而光攻擊既只得天啟，冇理由為左一隻天啟就放棄多種屬性防禦架？！尤其係打海龍，大部份Boss都係元素系既攻擊，你加元素光環仲好用過你加信念光環~~

十字軍技能︰

審判力量︰前置，基本上你唔開都得，物攻型幫助唔大，但為左出審判之錘，所以前置就夠~~

審判之鎚︰又一食物魔雙攻技，你係物攻為主，點黎佢黎用冇差~~

十字架EX︰唔點，因為要增強防禦技能既關係，而又係物攻型，所以十字架同十字軍EX對物攻型十字軍係廢既，無謂浪費一大堆點數黎點出十字架EX啦~~


技能紋章︰

側踢A紋，強力側踢A紋，神聖化身A紋(延長時間)，治療A紋

雙踢A紋加速係物攻型必需，神聖化身A紋(延長時間)係增加無敵時間以應付連續拉怪盾擋技又CD中，同可以增強輸出時既能力，治療A紋係增強生存能力，因為做主坦/副坦，好多補師都唔會響身邊，補血就只得靠自己，唔好激怒紋係因為激怒都已經LV8，已經可以長期拉怪，唔洗用技紋黎頂時間~~

強化紋章︰

帳幕，森嚴，熊的，破壞，生命，健康，朝氣，不屈

做主坦/副坦，雙防紋好重要，可以增加你防禦能力。熊的/破壞係增加你物攻輸出，健康/生命係推血黎增加你生存能力。朝氣係防你瘋狂雙踢時回復MP。不屈係增加你被打倒時唔會咁易倒地，因為做坦都倒地既話，其他隊友會好危險~~

裝備以推血為主，推物攻為副，盡力推到過12萬血以上，先可以做到海龍坦職工作~~

呢類十字軍比較特別，係可以代替聖騎做主坦職，或幫忙聖騎做副坦工作，主要係為挑戰海龍而配點，尤其係海龍第一關同第二關，怪群密集時，可以幫聖騎分擔一部份怪，但就放棄左十字軍瞬間輸出既優點，取而代之係生存能力同防禦能力~~ 暫時好少有呢類十字軍既出現，所以係比較另類~~

最後都係果句，十字軍有好多種變化，以自己技術，取向同習慣去配點比較貼切，我只係配出黎比大家參考~~

順帶一提，盾擋，神聖格擋同鋼鐵之身要互相交替咁黎用先可以做到全面防禦既效果，CD時間係有重疊既，自己計CD秒數黎互相交替，呢D係做坦既基本要求，當然，開鋼鐵之身時，係會扣少量既血，咁就可以用治療黎補足，若果血已經扣左1/5，治療又補唔切既話~~ 就可以開神聖化身後再用治療，會加多好多血，同比時間你緩衝下~~

---

作者: 飲奶仔    時間: 21-10-2011 18:43
http://goo.gl/7QT7S
如果我玩主PVP型,副PVE型,咁點OK唔OK??

---

作者: bowen7603    時間: 21-10-2011 19:10
建議樓主將藍時裝庫改成光攻, 配裝優先順序 光攻>爆擊>終傷>魔攻>物攻

---

作者: jimmg12    時間: 21-10-2011 19:17

建議樓主將藍時裝庫改成光攻, 配裝優先順序 光攻>爆擊>終傷>魔攻>物攻
bowen7603 發表於 21-10-2011 19:10

應該係光攻+爆擊>魔攻>物攻吧= =
致命戒潛光攻....

---

作者: bowen7603    時間: 21-10-2011 19:18

應該係光攻>爆擊>>魔攻>物攻吧= =
jimmg12 發表於 21-10-2011 19:17

    而小編實際測試的結果  終傷1000以內提供的邊際效益都在0.023%左右

也就是765終傷 在50副本 可以提供大約 765*0.023%=17.59%的增傷

(而且765已經達到40級副本50%增傷的門檻 打海龍相當好用!!)

也許比起40副本時的700終傷  50%增傷來論 是低很多的

但這種配法只是自然的推疊終傷(不靠三層紋章)就可以達到17.59的增幅

其實這附帶的效果是非常驚人的!!   
轉巴哈

---

作者: jimmg12    時間: 21-10-2011 19:20

而小編實際測試的結果  終傷1000以內提供的邊際效益都在0.023%左右

也就是765終傷 在50副本 可以 ...
bowen7603 發表於 21-10-2011 19:18

不過堆光攻+暴既話,終傷就要3屬紋入手@@
你都知3屬紋幾貴....

---

作者: bowen7603    時間: 21-10-2011 19:21

不過堆光攻+暴既話,終傷就要3屬紋入手@@
你都知3屬紋幾貴....
jimmg12 發表於 21-10-2011 19:20

     古代圖騰裝備全套+古代圖騰飾品套裝+50a終極紋章= 765 終傷 終傷唔需要3屬紋, 3屬紋應該係推暴擊吧

---

作者: jimmg12    時間: 21-10-2011 19:24

古代圖騰裝備全套+古代圖騰飾品套裝+50a終極紋章= 765 終傷 終傷唔需要3屬紋, 3屬紋應該係推暴擊吧 ...
bowen7603 發表於 21-10-2011 19:21

終傷不如用天啟飾@@
啟示戒X2,懲罰耳環,項鍊咁樣
因為兩件天啟戒既終傷=一套主教飾既終傷@@
3屬紋全暴擊都好貴@@"

---

作者: bowen7603    時間: 21-10-2011 19:26

終傷不如用天啟飾@@
啟示戒X2,懲罰耳環,項鍊咁樣
因為兩件天啟戒既終傷=一套主教飾既終傷@@
3屬紋全暴擊都 ...
jimmg12 發表於 21-10-2011 19:24

    考慮到暴擊, 因為古代圖騰項鍊除了+光攻 又+爆擊, 所以選擇主教

---

作者: jimmg12    時間: 21-10-2011 19:28

考慮到暴擊, 因為古代圖騰項鍊除了+光攻 又+爆擊, 所以選擇主教
bowen7603 發表於 21-10-2011 19:26

-0-
我比較中意平玩XDD

---

作者: 落難軍人    時間: 26-10-2011 18:59
我想問招破甲

除左扣物防  額外傷害係D咩黎?

物攻打落去扣多D 定係 任何傷害打落去都扣多D

扣多D又係計物定魔  升高佢個額外傷害會唔會多D

---

作者: monsterbb100    時間: 26-10-2011 20:27
破甲只係減目標物防，所以只得物攻招攻多D~~

---

作者: 落難軍人    時間: 26-10-2011 20:36
咁十字軍升咁高黎只係幫人?

本身扣左物防 物技打落去就一定多D啦

咁佢果句做成額外生命威脅多餘既?

---

作者: monsterbb100    時間: 27-10-2011 08:13

咁十字軍升咁高黎只係幫人?

本身扣左物防 物技打落去就一定多D啦

咁佢果句做成額外生命威脅多餘既? ...
落難軍人 發表於 26-10-2011 20:36

無錯，但賢者招好多係物魔雙計，所以呢招對十字軍都係有D效，但就唔及物攻聖騎咁有效，所以我先推薦只點前罝，因為對純魔招既十字軍真係冇乜效用，只係比雷霆一擊同連鎖閃電第一下同審判錘有用~~ 其實減左目標物防，對物攻職業真係好好，你話純幫隊友都岩，有次我打大天，有個8千攻既遊俠，我用左呢招後，大天比佢扣血扣到巴巴聲~~ 果場幾咁爽呀~~ :lol

---

作者: 落難軍人    時間: 27-10-2011 08:30

無錯，但賢者招好多係物魔雙計，所以呢招對十字軍都係有D效，但就唔及物攻聖騎咁有效，所以我先推薦只點 ...
monsterbb100 發表於 27-10-2011 08:13

如果計熱門 , 輸出 , 生存率

十字軍定聖騎好D

---

作者: 銀魂乂    時間: 27-10-2011 20:48

十字軍另類選擇﹐主坦/副坦助攻十字軍

其實除左聖騎外，十字軍都可以做坦職，或者副坦，但若果做坦，就放 ...
monsterbb100 發表於 21-10-2011 04:34

    你個配點同技能紋章同聖騎有咩分別-0-

---

作者: jimmg12    時間: 27-10-2011 20:49

你個配點同技能紋章同聖騎有咩分別-0-
銀魂乂 發表於 27-10-2011 20:48

有D人中意做坦十字唔做輸出十字@@

---

作者: kito007    時間: 27-10-2011 21:31


感謝分享
不過要指出的是
現在最高減傷是80%
所以點滿鋼鐵主要是為了減少1秒左右的cd時間
==============
ps.明明系回緊聖騎果篇...唔知點解會按錯回左十字軍呢一篇

---

作者: monsterbb100    時間: 28-10-2011 00:16

如果計熱門 , 輸出 , 生存率

十字軍定聖騎好D
落難軍人 發表於 27-10-2011 08:30

熱門同生存率黎計，聖騎係比十字軍受歡迎~~ 好多海龍團都想要二坦好過一坦一十字，我見好多海龍團既組法都係咁︰2聖騎，2聖徒，2時魔，1吼傭，1輸出~~

輸出位多數組元素或箭神，好少會搵十字軍做輸出，因為十字只係瞬間輸出，而元素或箭神係連續輸出，所以都會搵元素或箭神多。就算衰到冇箭神元素，都會搵月光或劍鬥，到最後冇得搵先到十字~~

而有D海龍團就1聖騎，1十字(做副坦)，2聖徒，2時魔，1吼傭同1輸出~~

但打大豬既，好多要輸出都係搵十字，因為貪佢瞬發可以拉到怪，可以為女職多個保障，而且十字生存率高，所以大豬若搵輸出都會先搵十字，後再搵戰士職，最後先會搵女職~~

---

作者: 落難軍人    時間: 28-10-2011 01:40

熱門同生存率黎計，聖騎係比十字軍受歡迎~~ 好多海龍團都想要二坦好過一坦一十字，我見好多海龍團既組法 ...
monsterbb100 發表於 28-10-2011 00:16

如果唔打海龍既話

就十字軍好D?

---

作者: monsterbb100    時間: 28-10-2011 08:11

如果唔打海龍既話

就十字軍好D?
落難軍人 發表於 28-10-2011 01:40

係~~ 因為唔打海龍，十字軍係比聖騎攻擊高，而且大家生存率都差唔多~~ 聖騎主要拉王外就冇乜用~~ 因為雙踢點都唔夠十字軍既瞬發強，再加上十字軍有審判力量黎加強小金錘，所以一套小金錘打落去唔會遜色過雙踢~~ 實際情況我測試過，我隻全坦型聖騎同主攻副坦型十字軍大家單刷小豬，聖騎用左兩個幾鐘，死1次先過到，但十字軍用得1個多鐘死3次就過到~~ 十字軍響黃銅死一次，響小豬死兩次，而聖騎響小豬死1次，但睇個扣血方面... 十字軍真係扣得快過聖騎好多~~

---

作者: 落難軍人    時間: 28-10-2011 08:39

係~~ 因為唔打海龍，十字軍係比聖騎攻擊高，而且大家生存率都差唔多~~ 聖騎主要拉王外就冇乜用~~ 因為雙 ...
monsterbb100 發表於 28-10-2011 08:11

即係生存就聖騎

輸出就十字

金鎚同雙踼差唔多

呢一個比法 係在於雙踼有冇裝A紋?

光攻又幾多? 有冇開光環

同埋個金鎚既40%+XXX

係每下變成呢一個傷害 定普攻再附加呢個傷害?

如果唔單刷 生存率唔會好似單刷咁差咁遠?

---

作者: monsterbb100    時間: 28-10-2011 12:42

即係生存就聖騎

輸出就十字

金鎚同雙踼差唔多

呢一個比法 係在於雙踼有冇裝A紋?

光攻又幾多? 有冇開 ...
落難軍人 發表於 28-10-2011 08:39

我個坦騎係雙踢A紋，破5千物攻，血13W，但十字軍既小金錘就冇裝紋~~ 而聖騎冇光攻，而十字軍係滿信念加13%光攻，血9W8，魔攻4922，我相信若果光攻再多D，小金錘會扣多D，因為小金錘都係食光攻~~

至於審判力量，響多玩有人測試過，LV2審判，物攻有2000既話(唔知點解佢用物攻黎計，明明審判係用力量轉魔攻，智慧轉物攻....)，每1 hit既小金錘係多440傷害，小金錘中晒大約有24 hits 即 24 x 440，再加上你魔攻既攻擊力，即唔計你魔攻，你坐底扣硬10560(當然係全套打中)，若果LV1審判力量，係24 x 400，即你坐底扣9600，再加上你魔攻~~

實際我用小天第一隻Boss，即紅眼幽靈黎測試過，13%光攻，開左滿級信念，開左審判，冇開化身，冇加速，比聖徒滿級加光攻buff加左，魔攻4922，響冇其他隊員打既情況下(因為岩岩好佢地三個比隻怪彈開左... 我就好彩開左盾冇彈開~~)，用小金錘打落去，10秒內扣紅眼幽靈差唔多1行血~~

若果唔計單刷，生存率都係有好大分別，以經驗黎計，有次打大豬，一聖騎，我十字軍，一聖徒，一魔導，入到去先知原來佢地唔識打大豬，個聖騎好少拉王，個魔導又成日較唔岩時間開時空，個聖徒又成日響唔岩既時間黎補血同掉奇蹟，而且個魔導得3千幾魔攻(佢自己話既~~)，聖徒我估佢魔攻都唔高，補血效果都唔多~~ 反而係個坦騎攻擊都OK，過5千，但就唔知點解佢唔識做坦，成日唔開激怒拉王，結果係D大豬入面既王大部份時間都係全程追住我黎打.... 最後打完全場大豬，統計返各人死左幾多次~~ 分別係，聖騎死2次，我十字死4次，聖徒死4次，魔導死晒5次仲要係大豬兩行血時已經變幽靈等我地打死隻豬~~

你可以用以上既實例黎統計十字軍既生存率，當然呢個係最差既情況，若果坦識拉大豬既王，基本上隊中唔洗聖徒，我一般都係冇死過關，狀態差都只係1死過關~~

---

作者: 落難軍人    時間: 28-10-2011 15:16

我個坦騎係雙踢A紋，破5千物攻，血13W，但十字軍既小金錘就冇裝紋~~ 而聖騎冇光攻，而十字軍係滿信念加13 ...
monsterbb100 發表於 28-10-2011 12:42

咁我要再考慮下

反正我隻賢者都係升左2日;P

---

作者: monsterbb100    時間: 28-10-2011 20:33

咁我要再考慮下

反正我隻賢者都係升左2日
落難軍人 發表於 28-10-2011 15:16

仲有樣野要諗，聖騎物攻易推，我聖騎全身加9 50A裝，5件豬裝，全部推血，正副武都係+9，全身藍時，有兩件只推暈同暴，其他推物攻同一件推血，破壞同熊的50A紋，飾品兩件推血，兩件推物攻，唔係50A飾品，潛晒物攻同力量，就已經破5千物攻，13W血~~

但十字軍全身藍時，全身推魔攻，頭推暈(因為冇錢買推智力，玩呢兩隻野都玩都我破產....)，腳推暴擊，全身50A裝+9，正武+10，副武+9做晒魔力或智慧，只係手做生命，兩件豬裝，全部飾品唔係魔力就智慧，38LV果隻~~ 潛晒智力或魔攻，魔力同智慧50A紋，戴埋商城最低果隻飾品，兩介推魔，項鍊同耳環推血，貼埋+2%既紋身~~ 都破唔到5000魔攻........血得9W8，反而MP11萬........

所以你要考慮埋錢果方面問題~~~ 賢者推血推物攻易，推魔攻難，推光更死....破產都似~~

即係話，十字軍要用好多錢推強，先會有D成蹟，我個侄都係玩十字，但雙修，裝唔好，有3件唔係50A，全身綠時，上次泳裝果套，佢魔攻得2千頭，物攻都係2千尾近3千，佢連大天都打唔過要死最少兩次~~(當然技術都係一個好大既問題~~ 佢太細個，得11歲，帶佢打大天好辛苦....)，但眼見好多而家LV45拎果D十字軍，攻擊都好差~~ 反而聖騎唔洗咁好裝，都可以做到全職坦~~

---

作者: 落難軍人    時間: 28-10-2011 20:48

仲有樣野要諗，聖騎物攻易推，我聖騎全身加9 50A裝，5件豬裝，全部推血，正副武都係+9，全身藍時，有兩件 ...
monsterbb100 發表於 28-10-2011 20:33

推光攻唔係好難姐下話==

光攻下身15% + 光環22% = 37%

潛2個光已經53%...

咁佢D攻擊技都係魔攻主力... 咁魔攻難推都唔出奇

同埋我有諗過將金鎚加爆佢==  半坦

---

作者: 銀魂乂    時間: 28-10-2011 21:16

仲有樣野要諗，聖騎物攻易推，我聖騎全身加9 50A裝，5件豬裝，全部推血，正副武都係+9，全身藍時，有兩件 ...
monsterbb100 發表於 28-10-2011 20:33

    十字軍推得魔攻~物攻都唔會點低
   十字軍可以玩到雙攻 仲可以玩埋光攻
  ++埋埋輸出都好高

---

作者: monsterbb100    時間: 29-10-2011 01:44

推光攻唔係好難姐下話==

光攻下身15% + 光環22% = 37%

潛2個光已經53%...

咁佢D攻擊技都係魔攻主力.. ...
落難軍人 發表於 28-10-2011 20:48

你加爆小金錘不如加爆雷衝，雷衝瞬發扣得比小金錘多好多~~ 因為十字架、審判之錘、連鎖閃電同埋破甲CD都好快，你用到小金錘打既機會唔係好多~~ 頂多打兩三套小金錘，破甲CD又到~~ 然後審判錘CD又到~~ 放完打多一套小金錘，十字架又到~~ 再打多兩三套，雷霆雷衝又CD到~~ 所以你加爆其他強技好過加爆小金錘咯~~

十字軍推得魔攻~物攻都唔會點低
   十字軍可以玩到雙攻 仲可以玩埋光攻
  ++埋埋輸出都好高 ...
銀魂乂 發表於 28-10-2011 21:16

因為而家裝係字尾關係，所以十字推魔攻變左雙修，反而以前係裝係字頭就分別好大，未開50LV時，我已經玩魔賢，魔攻37xx，物攻得15xx

但而家用晒50LV裝，魔攻加埋稱號最高可以推到4970，物攻都有39xx，所以都變左係雙修~~

---

作者: 落難軍人    時間: 29-10-2011 02:05

你加爆小金錘不如加爆雷衝，雷衝瞬發扣得比小金錘多好多~~ 因為十字架、審判之錘、連鎖閃電同埋破甲CD都 ...
monsterbb100 發表於 29-10-2011 01:44

事關推魔攻招破甲我又唔想升高佢~.~

加上半坦 D盾技又唔洗好高

破甲10LV同3LV 基本上都係差果幾%同千幾攻

點左金鎚扑返幾野已經唔係追得返有凸咩=.=

我考慮緊呢種加法

http://goo.gl/6scE4

---

作者: monsterbb100    時間: 29-10-2011 02:30

事關推魔攻招破甲我又唔想升高佢~.~

加上半坦 D盾技又唔洗好高

破甲10LV同3LV 基本上都係差果幾%同千 ...
落難軍人 發表於 29-10-2011 02:05

唔玩PVP既，輕盈迴避點1就夠~~半坦既盾擋點5都夠~~ 因為你想搶攻擊，所以放棄左鋼鐵果行，都岩既，但半坦既你神聖格擋最少要點5~~ 因為果21秒好重要，幫你補返唔點鋼鐵後，將神聖格擋同盾擋既CD空隙拉短，我幫你改左少少，你睇睇岩唔岩睇~~

http://goo.gl/HeH1w

本來激怒要8先拉得穩，但因為要爆小金錘，所以滿左賢者果邊D技，若果你唔配激怒A紋既話，想拉穩怪就要好有技巧，但半坦，你防技缺左鋼鐵，所以都係靠主坦拉(因為你有防禦既空檔)，咁激怒拉唔穩都冇乜所謂~~ 最後得出4點我幫你點多一下盾擋同智力精通，雖然話雙修，但MP都要夠先得，我主修魔，MP成13萬，打大豬長開信念都岩岩好夠，再長D時間都唔掂，而你雙修應該冇咁多MP添~~ (除非好似我咁主魔副物~~)

其實我破甲都只係點前置，激怒仲要點得3，拉果9秒當係比主坦失誤時補救，用既機會都唔多~~ 我反而留技響不屈，加高物防對你瞬發時成日拉左成王好有用~~ 我輕盈迴避反而點滿左... 其實我正考慮洗點中，想做全攻型十字~~

下面係我現時配點~~ 唔係最好~~ 主攻副坦，但坦既能力比較弱~~ 比你參考下~~

http://goo.gl/QzQLJ
講真，滿雷衝我冇後悔，因為攻擊真係好高，你當佢單發輸出都好正，泊得住你一下雷霆~~ 遇岩光防弱既Boss你一下雷衝秒左佢，我單刷大狗，兩隻食人魔，一隻雷衝，一隻雷霆，岩岩好秒晒兩隻~~(以兩隻分開黎打計算~~ 右邊用雷衝，左邊用雷霆~~ 因為右邊光防弱，左邊魔防弱~~)

---

作者: 落難軍人    時間: 29-10-2011 03:47

唔玩PVP既，輕盈迴避點1就夠~~半坦既盾擋點5都夠~~ 因為你想搶攻擊，所以放棄左鋼鐵果行，都岩既，但半坦 ...
monsterbb100 發表於 29-10-2011 02:30

其實幫個主坦拉15秒

個格擋15秒都唔夠咩

PVE 浮空1點都夠用?

---

作者: monsterbb100    時間: 29-10-2011 07:48

其實幫個主坦拉15秒

個格擋15秒都唔夠咩

PVE 浮空1點都夠用?
落難軍人 發表於 29-10-2011 03:47

夠，因為十字軍防高硬直高，我打咁耐PVE，好少被怪浮空，連中大貓既重力壓，我都係企響度中招，而唔係訓響度~~ 而神格點夠21秒，一黎你拉怪15秒，神格又係15秒會好危險，開先開後時差會令你失誤既話有損傷，再者打大貓時，我計過由飛天掉黑球，放鬼仔，放颱風到落地係20秒，蛇女放飛刀都超過15秒，打海龍既，由等到放旋轉龍息，同海龍飛天用炮台打時，21秒神格真係好需要~~ 大天放五芒星都過15秒啦~~ 而且天啟放光炮，等佢慢慢轉過黎時，等佢轉完一圈，21秒神格未完佢就轉完，但15秒一定唔夠等佢轉完~~ 綜合以上咁多巢穴Boss既招式同時間，15秒神格係真係唔夠咯~~

---

作者: 落難軍人    時間: 29-10-2011 07:54

夠，因為十字軍防高硬直高，我打咁耐PVE，好少被怪浮空，連中大貓既重力壓，我都係企響度中招，而唔係訓 ...
monsterbb100 發表於 29-10-2011 07:48

我唔打海龍 ~.~

蛇女果D RJ飛刀硬食都無問題
大天五芒星 可以盾擋佢(?)
口部火炎炮 就真係NEW先食

不過都好啦  晏D再配下 有點鬆動升高少少

浮空果度 有時副本都係咁比人打飛 囧

---

作者: monsterbb100    時間: 29-10-2011 08:08

我唔打海龍 ~.~

蛇女果D RJ飛刀硬食都無問題
大天五芒星 可以盾擋佢(?)
口部火炎炮 就真係NEW先食

不 ...
落難軍人 發表於 29-10-2011 07:54

原來我點錯左現時我既配點，我盾擋得5，激怒3，已更改左~~ 你可以再參考我現時配點~~

答返你問題先~~ 我見天啟開口炮，我多數用神格黎食佢，因為魔賢，神格可以做埋攻擊，每下扣2千幾血，3-4下，所以我見佢開口炮一般都係企到近一近再開神格黎反佢，大天五芒星係可以用神格擋架，中3下，唔係天罰，係五芒星~~ 即係你見大天周圍出現D暗紅色圈圈時，好似跳夫拉圈咁，就係準備用五芒星，因為五芒星既範圍都幾大，所以我都係開神格黎防左佢~~ 唔係會中3下~~

至於副本D怪仔打到你浮空，佢D怪仔打你真係當R痕啦~~ 你十字軍係全部職第二防高既職，比佢浮多幾十下你都可能只係扣得唔夠1000血~~ 咪襯呢個時間點返支煙食咯~~ 浮空用既時間係當比巢穴大型Boss打到浮空時，睇岩時機再浮空，以免扣太多血咁之麻~~ 以打大豬小豬為例，豬教有招係炸地，人會浮空3下，第一同第二下係連續，第三下係差唔多到地時先再中，好多人冇經驗，第二下就用左浮空調整，結果再食第三下時，訓左響地，到起身時又岩岩好係豬既第二D招黎緊，但呢段間隙，我計過，就算你滿級輕盈迴避，都唔夠CD時間去防呢次既浮滿，所以比豬炸地中左浮滿，一般係等第三下先黎調整~~ 咁就冇死~~ 點1輕盈係順手練埋你用十字既熟練度，當你玩得多左，就會好自然知道幾時要輕盈迴避，幾時要等浮幾次先用，幾時比怪打時要避唔洗比佢打到浮空~~

又用大天既黑煙7兄弟黎做參考，佢地一開波會勁出黑尖刺，呢個時候避得唔好會勁比佢浮空，相信呢個情況好多人都遇過，有時直頭會比佢浮到人地都打死埋隻主黑煙，你可能一下都未攻擊過一路比其他黑煙浮空緊~~ (好樣衰... 我拎45LV隻聖徒時，因為唔熟聖徒玩法，就係試過咁... 勁冇面樣衰死....) 我十字軍第一波見黑煙時，睇準邊隻係主，一個審判之錘飛過去，呢招係用黎Target邊隻係主，因為審判之錘可以推開佢，大部份時間呢個時候係其他黑煙出黎同即用黑尖刺，呢個時候用盾衝衝埋去，因為我發現中黑煙第一下尖刺時唔會即時浮空既，但響呢半秒之間再中就會被浮空，而且你中第一下尖刺時，真係得半秒時間你開盾衝衝埋去，慢左半秒你都真係會見住自己玩跳彈床.... 盾衝既特性大家都知，唔理傷害(盾衝時傷害減半)，唔會被浮空，直接衝到自轉甩盾，衝到隻主怪面前用雷霆，然後掉十字架，再一個連鎖，呢幾招已經夠打死隻主黑煙~~ 咁樣黎打黑煙，十字軍係可以響隊友都未到黑煙前，已經KO左隻黑煙~~ (我成日都係咁做~~ 一套連技黎~~ :lol )

所以玩十字，除左強裝強攻外，熟練都好重要~~(廢話黎，其他職都係咁~~ ;P ) 玩熟左隻十字，你會發覺好好玩，人地睇你好強，你自己打怪時見住瞬發勁扣目標血既快感都好爽~~ 因為十字最大特色係瞬發輸出，而家未有職可以做到咁~~ 你會發現唔洗好高魔攻，都會做到秒殺效果~~ 尤其係開左化身，開左信念，開埋審判時，扣目標血真係扣到連元素箭神都會眼凸~~ :lol (試過有次打大貓，入野團打，個自認5千3魔攻元素反問我魔攻幾多，我答佢得4970，佢即時眼凸，仲問我魔攻低佢幾百，我攻擊強佢咁多... 我就話職業不同，元素冇加強攻擊技，十字軍大把~~ 所以瞬發時先咁突出~~:lol )

---

歡迎光臨 樂古Nakuz (http://img.nakuz.com/)

Powered by Discuz! X3.2