本帖最後由 e44e44 於 1-7-2014 11:53 編輯
大家好 我先介紹自己 我係一個由2009年開始接觸天龍既玩家我果時就係南ser 開左個 逍遙AC 但玩到28LV就冇玩了
2年後,基於朋友想玩天龍既關系我再次接觸反天龍,
朋友話王語焉個ser 有個新字 應該都好多人玩 所以佢話要玩王SER 咁我都冇所謂啦
我地就一起加入左王SER
一入到去個game 就難既就係諗名啦
咁我同學 同第二個同學 話開個AT 名(即是帥氣小豬 .帥氣小楓 果D)
咁好啦 我就信晒佢地啦 我王SER 個AC 個名 就係神殺之軒 (本人睇反都好膠-.-)
三個人 一起去無量山 打高山白猿 打山珠升LV
終於升到10LV 第一個朋友選擇入星宿派 而第二個入天龍派
正當我猶豫不決果時 我個朋友就同我講 你想高攻D 定厚血D?
當時既我認為厚血D 可以磨死人 所以我選擇左少林派
當時大家都係新手 根本唔知道有摩崖洞呢個地方可以比我地升呢,我地三個人就由無量山 打到去劍閣 之後到敦煌
入去寶藏洞再殺過,之後到嵩山,雁南 仲記得果陣時 D裝又差 又冇上石 三個人磨個 水中霸王都磨左勁耐(雁南隻雷尼克頓)
玩耐左 我地終於知道打雁南草原D怪其實升LV升得好慢 所以我地開始刷小 刷反 刷棋 仲有刷逄二個禮拜先有一次既波
仲記得果陣時 刷波 想7點鍾準時入場 都有D難 就算王語焉SER 比其他SER少人 但個蘇州NPC 果個位 一定逼爆 幾經辛苦 先開到波
雖然當時我地低lv 我地冇攻擊力 我地冇全3帶4 但我地都玩得好開心 到2011年5月時 天龍改版 ,變成天龍2,入AC 時果首歌都唔同左,比我煥然一新既感覺
我記得當時改完版就出左一個新副本-四絕莊 果時真係諗點唔會去諗點刷 果陣時既我得60幾LV 無外掛 每日上線做既野 就係等fd上線 佢地未上線時 我就掛寒玉谷
但我只係用古墓黎掛 唔係用全真掛,全真對我地當時黎講實在太貴,當時一本全真係我地ser 賣50金 試問一個60LV既人 邊有能力買全真,除非你入品爆發刷反出左
本掌鬼要決 OR 你打霜影爆左個重樓比你,反復反復 我終於升到65LV 當時 我用全身既錢到洛陽某個小檔買左本易筋鍛骨,
就在此時 身邊個2個朋友話選擇錯左門派 而要開隻新AC 再練.當然佢地個新ac緊係唔話再用個膠名啦 我就比呢兩條友賣
佢地一個選擇左逍遙 一個選擇左明教, 都好既
刷野果時 冇個逍遙 好窄洗 起馬招快大 中左 節省一半時間
有一日 ,我同學同我講知邊度有得買天龍既皇族新手包(單一張玉卡) 其實一推出果日 我地係7仔死搵爛搵都搵唔到 比人買晒, 佢同我講 係先達最上面果層有得買(因為比較隱蔽,冇咩人知,現以結業 OR 搬遷) 但呢個老闆乘機打死狗 ,本身10蚊盒 佢賣到18蚊盒 其實諗深一層 都抵既 當時比人炒到60蚊一張 老世都係乘機加少少嗜
因為有玉卡既幫助 我順利地整左把72神(我第一把神) 漸漸地 我地發現 我地既裝愈來愈唔掂,75LV仲用緊50 60 LV既裝 由於果時我地都好沈迷玩天龍 所以有人提意不如去 某數字網 買金啦 我記得當時王SER金價 係18蚊1000金 為左加強我自己 我一手入左5000金(其實好少 果陣時D要決仲未跌價 一本調虎離山 都要200金 商陽劍都要800金) 果陣時升呢就唔係刷小刷反刷棋了 ,而係開掛刷地3 玉卡提供既天靈 令我由75LV爆上到85LV
85LV之後 我先意會到天龍呢隻GAME 好玩係邊 印象中 我轉過2次幫 第一個幫我入左 邁向尖峰 第二次 入左天龍殿 最後入左花幫(入去為左刷怪唔洗比人打.D人係地3地4見到你無幫 乘機打死狗) , 有一次 我去玄武島見到一大堆人坐左系度唔知等咩(而佢地係同一隊既人) 咁我就膽粗粗咁申隊 當時ko姐(唔記得左叫咩名了) 又比左我入 ,突然佢地打緊一隻青蛙 (當時我唔知系咩黎,都係等一次打) 打完之後 我睇下個袋睇下有咩汁 ,一打開 ,一個5符 同一本仙風道骨,我汁完 就上左電視(世頻) 當時ko 姐仲嬲嬲地話以後唔比我入隊
諗深一層 其實ko姐好好人 佢之後仲帶左我刷門王 小白果D ,我都因此識左好多鍾意打天龍BOSS既人 我承認果時係人地carry我 但無可否認 打BOSS 系當時天龍為一可以快速致富既方法,
我亦放棄左刷地3 地4 跟猛龍 ,絕殺,神魂,殺神影 佢地刷BOSS,仲記得當時為左唔好miss任何一隻 boss 朝早9點就起身 等佢地online 我記得當時既行程就係 小龍
10 點閃電狗 10 15 去搶箱 10 30 去門王(星宿 峨嵋,天山) 有時仲會有40蛙 之後就金鋼 等到12 30就又青蛙 清完就1點門王(明教,逍遙,天龍) 仲記得 我果時 未夠90LV 次次都食唔到天龍 打完門王 就再去搶箱 搶完就小白,小白完 就小龍 小龍完就閃電狗 行程相當緊密
唔好以為我地果時淨刷野 我地果時刷野加吹水
呢幾張相 正正是 2011年7月1號影既 話咁快就三年了
多謝你地比左個咁美好既回憶我
點解我要話係回憶,2013年 我又玩反天龍 不過 我今次玩既係慕容ser ,當我入到去之後,成個ser 基乎得10幾個係活人 其他都走晒去掛機,曾幾何時, 慕容ser D人多過王ser 幾倍 E家 就算王ser 有人bug過石 D人都多過慕容ser,幾經辛苦刷野招到人,一入去,原來個個都開掛刷,成隊0接觸 刷完佢地自動汁野,試過刷場棋成場冇講過野 咁玩天龍既意義系邊 我玩天龍只想多吹水 而唔係好似玩單機game咁.個個都掛住升LV.看到此場面,我不禁慢慢地離開天龍。
此情可待成追憶 只是當時已惘然
|
發表於 1-7-2014 11:51:30
收藏
轉播
分享
淘帖
支持
反對
變色卡
樓主講得真喺好.......雖然篇野有D長...但我都睇晒......其實我0既情況都同樓主有小小似...都喺又走又返..但喺唯一冇轉過SER ....都喺一個小玩家冇乜錢入點...但喺都曾經喺天龍打過怪搵到唔小元寶.....但最后都喺慢慢遠離天龍.....因為呢隻GAME 真喺慢慢變單機GAME .....冇人組打怪......幫入邊冇人....
樓主