|
|
要知道我地人類並唔係孤獨既一群。事實上我地唔上生活係我地自己既世界,只係察覺到呢點既人唔多,可能現實既表象影響力太大,令到我地睇唔到表象內既東西。我鼓勵大家觀察事物既時候可以超越佢短暫既一面,即表象/顯象。如果可以做到呢一點,我地會睇到更多野,世界會更豐富。牛頓發現地心吸力都係因為佢睇到既唔止一個物體跌落去咁簡單。
而為2012做準備既人一早開始左,只係往後既日子會愈黎愈多。
如果大家當瑪雅人既預言係指地球以滅亡既方式結束既話,係30年前可能成立。因為如果個時冇做到任何改變既話,地球會係2012年12月果日整個被拋出本身既軌道而爆炸。
但係大家要知道滅亡係對地球,對人類既學習係冇意思。任何人都唔想中斷生命既學習。包括高次元果班存在體。中斷並唔會有好處。反而改變,學習先係重要。
我地本身靈既提升對地球係起關鍵作用。呢一點係以後科學會慢慢研究。如果我地冇做好準備,我地係生存唔到,地球都提升唔到。因為黎緊果一次既光子帶只容許3D以上既星球存在。
因為某一班存在體改變左一d地球既設定,地球網格磁場既設定。所以地球唔會被拋出軌道,只係幾日既冰凍,冇陽光,地震,海潚而已。而我地人類都唔係第一次經歷呢d地理上既改變。
要知道學習唔可以停,如果因為咁而中斷係無意義同唔值得。
改變左之後既地球,新文明會慢慢建立起黎,到時要學習既課題,睇既野會豐富過而家好多好多,係一個好美麗既世界。空氣會清新晒,氣溫會舒服好多。而科技同知識都會去到另一個新既層次。
而一d仍然未完成,突破到舊課題,舊思想,觀念既人,只會去到另一個3D星球再學習,唔會再係地球學習。
大家都有權選擇,選擇你認為最好,對你既生命有益既就得。因為呢個係你既學習,生命既學習。
3D以上既星球係唔容許有半醒既人。如果我地仍然好想得到物質享受,咁就證明我地仲要係3D星球上花多d時間學習。直到了解,突破為止。
一個開悟既人可以帶領到14萬4千人既意識轉化。轉化到一個更開明,成熟既思想體系。為左唔想放棄每一個地球人,適當數量既開悟人士係需要既。佢地會幫一d仍被舊思想控制既人提升意識。成功既話,所有人都可以順利過到,建立新文明。
係呢方面作出幫助既人唔只佢地。好多範疇既人都努力緊。而且打後幾年會多好多。
風水佬呃你十年八年,而傳媒,政府就可以呃足人幾世。希望大家睇野既角度同想法可以闊d。唔好下下比傳媒同政府機關侵蝕我地既思想。
以上既野你可以當我癈話咁講,只要你得到你想要既野就得。
繼續學習係人類既前路。 |
|
發表於 22-3-2008 19:51:08
發表於 22-3-2008 21:04:35
樓主
唔制