今日一個唔開心既經歷,好心人請入...

§小雷§

今日我發生左d唔開心既經歷,屈係個心入面好唔舒服,所以決定同大家分享下,請唔好介意睇曬佢...

先介紹下我自己先:
我係一個Band 2 中三學生,成績一般,習鋼琴4年6級程度,父母已離婚,同緊呀嫲住,呀爸一個星期大約4日會番黎食飯

故事開始了...
本來今日係一個平凡既一日,不過到左食飯之前我呀嫲同我呀爸講,我星期六.日冇練琴,跟住呀爸就講左以下一大堆說話:唉!你以後都唔好學琴啦!比你學又唔比心機學好佢,你知唔知好多人想學都冇得學呀!你知唔知你哂左我幾多錢呀!學琴每個月千幾蚊,上網果d立立雜雜費,加埋哂左我幾多錢呀!讀書又唔比心機,日日掛住打機,買部琴番黎比你,掂都未掂過!你唔想學就早d出聲啦!唔洗哂我咁多錢呀!一d社會競爭能力都冇!

我聽完佢講,我真係好扯火囉!我自問練琴都算努力啦,1個禮拜練6日,每日個幾鐘,又要補習又剩,學校又鬼死咁多功課,星期六日我都係因為功課太多所以唔得閒練姐,一日半日洗唔洗咁介懷呀,讀書果方面,我廢極都入到A班啦,成日提住錢錢錢錢錢,我真係估唔到佢係睇錢咁重既人黎囉!仲有佢最後果句,一d社會競爭能力都冇,我覺得最火爆係因為佢呢句囉,大佬呀,一個普通既中三學生,你想有幾多社會競爭能力呀!

我打完呢篇野個心都舒服d
大家睇完之後,有咩感想呢,比d意見我啦

mh627351

唔好罵我住......
其實你呀爸只係關心你姐
家家有本難念的經

§小雷§

關心都有好多方法既姐,洗唔洗鬧到我1文不值呀
我覺得佢主要係因為錢而鬧我囉
寧願要錢而放棄自己個仔既前途,呢D人死有餘辜

琳琳琳;D

我覺得你應該同佢傾下.
如果真係好唔得閒.練琴/補習果啲是旦cut下啲;

天斬

練琴唔係話定時定候練
一個星期6日 今次個幾鐘唔代表d咩野
我覺得學一樣樂器
要真係有個心去學  冇時間唔係一個借口
要學好一樣樂器 一定要愛上佢
如果你一返完學就有個衝動返屋企彈琴
你就已經成功左
如果好似交功課咁學琴  俾你捱到8級
個意義都只係一張紙

meijichocolate

可能你同你爸爸思想方面有分歧 兩個思考鋼琴既出發點唔同 我覺得你應該同你爸爸多d溝通多d明白對方同埋比d心機練琴 我覺得你冇練琴唔可能代表冇心機既 你應該比佢知道你對練琴同學業方面係有付出過

下..唔係掛

依家就係咁現實  識得起現實中生存先係最重要

最後一個嬉皮士

其實佢都係關心你既  你覺得好忙既話咪同老豆講唔學琴 學左到時都唔知用唔用得著--"
你要加油呀@@"

ashley525

比我唔忍 同佢隻秋-.-~ 打到佢無野好講is ok!~~
小賢Ｚｚ 發表於 20-1-2010 22:42

are you ok?