CS Online - 卍玄皇乂 瘋狂基因跳躍小品

玄皇

一別Cs Online年餘,重返舊地,發覺不但人數少左好多,連風氣都改變左唔少。

我曾經上過各大論壇想瀏覽關於跳躍/Kz既作品,發覺數量少到好得人驚。

今次番黎,不禁又燃起左我拍片既火。

重燃Kz風氣就唔敢講,但我真係好想睇到當年幾咁濃厚既Kz風氣,同埋都係睇下一年以黎自己既程度去到邊度。

所以,我拍左呢條 基因跳躍小品。

呢套基因跳躍小品係我以新身份,玄皇,去錄製,自然係第一套既處男作。

由於係最新既作品,所以我拋棄左以往傳統既做法 --- 即係以中國音樂(近排新出既 "古劍奇譚2" 戰鬥配樂)配搭成套作品,而唔係一向既西方音樂。

尤於係新嘗試,所以我edit既時候都有d忐忞,但係個效果反而係幾好,同片段好夾(至少我係咁認為)。

而第三人稱方面,則因為錄製只有我一個人,而且我發覺Cs Online真係lag左好多,所以採用左Cs 1.6既HLAE程式錄製。

好似有小小踩界-_-",但係為左呈現最佳既視覺效果,就冇辦法啦......

DEMO方面,自然全部都係Cs Online錄製(除左個別DEMO均為1.6錄製,主要原因都係該跳點手續太煩/.\)。

製片工具都係採用番以往所用既Sony Vegas 同 After effect。

跳躍風格方面,就比較單純,都係以Long Jump,Bhop Jump,Count Jump,Drop CJ,Drop DCJ,Ladder Jump等手法演出。

至於點解冇MCJ,原因好簡單,我重玩左3日就即刻錄製左呢條片,技術上仍然係同以往有所差距,

自然仲未練番 基因MCJ 呢種我認為十分困難既跳躍方法。

EDIT風格方面,同以往冇咩分別,風格都係比較單純,主要都係第三人稱配第一人稱再夾歌再調色再用After effect整整個LOGO咁樣......

值得一提既就係今次用左好多第三人稱,耗時不少。

整體黎講,我對呢條片都幾滿意,但係錄製時間就真係比較長,差唔多用左一個星期,最主要係因為我技術久佳,對我黎講跳位太難跳,

而且呢條片相比起以往我係採用左極多既第三人稱黎呈現我所能夠帶來最美既感覺,所以....... 嗯......

可能有人問點解我片入面d第三人稱 跳躍者隻腳係空中一時時會作跑步狀,一時又好正常咁冇甩到,咁係因為我拍第三人稱既時候,

唔記得去除一個連跳既amxx(重玩我就係靠佢黎拎番d感覺Orz),尤於要錄製過d第三人稱工程太大,

所以我就懶得去再錄過,以致視覺方面都有小小影響。

尤於第三人稱係先錄製過第一人稱,所以拍第一人稱個陣已經拎開左個連跳AMXX /.\

尤於電腦空間不足,好遺憾地唔能夠用720/1080p輸出


廢話不多說,請細心欣賞影片。



http://www.youtube.com/watch?v=Yq07d2xL0k4&feature=youtu.be

yikhei1

第1個支持由我送給你:victory:

好多都係平時見人要開疾跑先跳到既位(e.g. 意大利 同 雪地生存)，樓主好勁Orz

利申:LJ新手...淨係曉bhop ，想學gs同mcj，希望偷到師lol